Finfine ni jam havas la tiel deziritan ŝildon apud la ekstera pordo de nia sidejo de Peris y Valero:
En la antaŭa ŝildo, la telefonnumero estis ŝanĝenda, kaj tute ne aperis ttt-retejo.
Ni esperas milobligi la nombron da interesiĝantoj 🙂
Browse Author
Raúl Salinas-Monteagudo
Helpu nin financi la reformon de nia sidejo
Kiel scios tiuj el vi, kiuj estis en nia sidejo, la apartamento tre bezonas renovigon, kaj la mebloj kaj la konstruaĵo.
Post kelkaj antaŭrigardaj interparoloj, ni malkovris, ke ekzistas partneroj pretaj pruntedoni iom da mono por tiu celo. En la lasta asembleo ni konsentis efektivigi la reformon se ni trovos la financadon. Post kiam ili demandis du profesiulojn, ili donis al ni du similajn taksojn por ĉirkaŭ €9,000.
La reformo konsistus en refari la banĉambron kaj kuirejon, sed interŝanĝante ilin, tiel ke la banĉambro estus en la angulo kaj la kuirejo estus kiel longa trinkejo enkorpigita en la ĉefa ĉambro, kun pli granda funkcieblo kaj pli moderna aspekto. En tiu trinkejo ni povas meti la kafomaŝinon, la mikroondon ktp. Ĉi tio certe tre konvenos por havi pli bonvenigan medion.
Tiu ĉi reformo aldoniĝos al tiu de la konstruaĵo, kiu estas deviga, kaj kiu inkluzivos la lifton, kaj ege revalorigos la loĝejon. Havi pli belan ejon permesos al ni doni pli bonan bildon kaj eĉ kunhavigi ĝin iam kun aliaj rilataj asocioj, por redukti kostojn kaj pli bone konigi nin.
Nia propono pri financado estas:
- Ke partneroj kaj simpatiantoj faras pruntojn sen intereso kaj kun tre longa repago. La precizaj kondiĉoj estas priskribitaj en la dokumento, kiu laŭleĝe ligus la asocion al la repago de la pruntita sumo (vidu ĉe la malsupro de ĉi tiu paĝo).
- Kompreneble, ekzistas la ebleco fari nerepageblajn donacojn de malgrandaj kvantoj por tiuj, kiuj volas ĝin.
Kompreneble, se vi konas iun alian masoniston, kiun vi rekomendas, ni estas ĝustatempe por ke ili faru al ni alian buĝeton, nenio estas fermita.
Se vi volas kontribui, kontaktu nin per retpoŝto valencia@esperanto.es aŭ per telefono +34 623 02 40 45. Bonvolu kontakti nin antaŭ dimanĉon la 3an de aprilo, tiel ni povas jam baldaŭ eklabori.
Multan dankon anticipe! La nepoj vin benos!
Raúl Salinas, prezidanto de la asocio
Esperantosemajno ĉe la oficiala lingvolernejo de Valencio
La pasintan decembron, membroj de la Valencia Esperanto-Grupo, kun la nemalhavebla subteno de Garikoitz Knörr, de la Eŭska Departemento de la Oficiala Lingolernejo de Valencia-Zaidía, organizis konferencon pri la internacia helplingvo Esperanto, kiu daŭros la tutan semajnon. Komence ni planis nur prelegon por festi la Zamenhofan Tagon. Baldaŭ, antaŭĝojante ĝin kaj kun la subteno de la lerneja direktistino, ni finfine organizis 5 sinsekvajn tagojn plenaj je aktivaĵoj .
Ni afiŝis serion de 15 infografioj pruntitaj de la Hispana Esperanto-Federacio. La lernejo aranĝis por ni tablon en la teretaĝo, antaŭ la enirpordoj. Ni suferis konsiderindan malvarmon sed ni estis plene videblaj de ĉiuj enirantoj. Ni ornamis la tablon per granda afiŝo kun la nomo de nia projekto, kaj ni plenigis ĝin per libroj, revuoj kaj KD-oj. La plej multaj el la aĵoj estis nur por ekspozicio, kiel eta specimeno de la riĉa kulturo ĉirkaŭ Esperanto, sed ni ankaŭ havis Esperanto-kursojn por vendo (el kiuj ni vendis 15) kaj aliajn librojn.
Dek membroj de la asocio deĵoris ĉe la budo, kovrante ĉiujn horojn de lundo ĝis ĵaŭdo inter 9:00h. kaj 20:00h, foje restante ĝis la lernejo fermiĝas, je la 21:15h, profitante tiujn lastajn minutojn por interparoli kun studentoj pri nia pasio.
Ĉiutage ni ofertis tri sinsekvajn eldonojn de unuhoraj fulmokursoj, kie partoprenis pluraj lernantoj, kiuj lernis la bazaĵojn dum malpli ol unu horo kaj ebligante ilin aŭskulti kaj prononci Esperantajn frazojn.
Tagmeze ni manĝis en la lerneja manĝejo, konfirmante la ĉeeston de Esperanto inter la multaj lingvoj, kiuj ornamas la paperan tablotukon.
Por vendredo ni organizis 4 paroladojn:
- “L’esperanto, una llengua fascinant“, pri historio kaj bazaĵoj pri Esperanto (Raúl Salinas)
- “L’esperanto a les xarxes” – Esperanto en la [sociaj] retoj (Carmen López)
- “On estàn els joves esperantistes?” – pri la junulara movado (Aranza Pascual)
- “2050: English or Esperanto” – pri lingvoj en Ĉinio (Dennis Keefe)
Ĉiujn prelegojn ni faris en la valencia lingvo, krom tiun de Dennis, kiun li faris angle.
Kiam ni finis, ni kolektis ĉiujn eksponitajn afiŝojn, kaj ni iris kafumi en proksima kafejo.
Ni konsentis, ke la evento estis sukcesa. Ni estis tre videblaj dum 4 sinsekvaj tagoj, kaj multaj studentoj venis al nia tablo por informiĝi pri niaj agadoj, interesiĝante pri kursoj.
Kursoj, cetere, kiujn ni komencos fine de januaro, rete.
Kristnaska loterio 2020
| Estimataj: La Kristnaska loterio jam estas aĉetebla. Cxi-jare ni ludos la numeron 05155. Kvin pintojn havas nia stelo! La lotilojn ni vendas po 3€ (kun 2’40€ da partopreno pro lotilo). La interesiĝantoj povas aĉeti ĝin persone ĉe nia sidejo, aŭ per la Reto. En la klubejo ni deĵoros:- Sabate la 31an oktobre, de 11 ĝis 13h. – Linde la 2n novembre de 20 ĝis 21h. – Sabate la 7an novembre, de 11 ĝis 13h. Por aliaj rendevuoj, simple kontaktu nin respondante al ĉi retpoŝtaĵo, aŭ telefonante al 646 472 142 (Raúl) aŭ al 655 315 457 (Eduardo). Ni klopodu fari la aĉetadon antaŭ ol ebla dua enfermigo. Por la aĉeto per la Reto: 1. Transpagu la sumon al la konto de la Valencia Esperanto-Grupo. IBAN: ES28 3159 0073 2026 9903 1221. 2. Sendu retpoŝton al ni informante pri la pago. 3. Ni korfirmos al vi la aĉeton respondante al via retpoŝto per skanaĵo de viaj lotiloj. La Grupo gardos la lotilojn sekure. 4. Kiu deziros konservi la nepremiitajn lotilojn kiel memoraĵon, post la lotado ni povos sendi ilin per ordinara poŝto, post enspezi la transportkoston el la petanto. Dankon pro via kontribuo, kaj bonan ŝancon! 🙂 Valencia Esperanto-Grupo. |