Dimanĉon, la 26-an de julio, oni celebras la Tagon de Esperanto, la daton en kiu Zamenhof publikigis la Unuan Libron en 1887. Ĝi alvenas, kiel ĉiujare, meze de la kongressezono; kio specialas ĉi-jare estas la proksimeco: du el la grandaj renkontiĝoj okazas en la duoninsulo, je kelkaj horoj de Valencio.

Kion ni memorfestas

La 26-an de julio 1887 aperis en Varsovio la Unua Libro, la unua lernolibro de la lingvo, subskribita per la pseŭdonimo «Doktoro Esperanto». De tie venas la nomo de la lingvo kaj, ankaŭ, tiu de ĉi tiu memorfesto, kiun la esperantistoj el la tuta mondo utiligas por konigi la lingvon. read more

Ni ĵus publikigis en la Esperanta Vikipedio la biografion de Pascual Pont Martínez (Xàtiva, 1937 – Valencio, 13-a de aprilo 2023), humanisto, sindikatisto kaj veterana esperantisto de nia grupo.

Dum multaj jaroj, Pascual estis tre ĉeesta en la vivo de la Esperanto-Grupo de Valencio: li venis regule kaj engaĝiĝis. Laborema homo kun firmaj konvinkoj, li estis la intelekta kaj politika esperantisto: lin interesis la lingvo, sed antaŭ ĉio lin interesis por kio ĝi utilas.

Pascual Pont Martínez, dum prelego ĉe la Esperanto-Grupo de Valencio (decembro 2005). read more

La 30-an de aprilo 2019, la esperantista profesoro Dennis Keefe kaj la tri aziaj lernantoj, kiuj venis por dumonata intensa kurso en Kujero (Esperanto-Plaĝo), aliĝis al la 78-a Hispana Esperanto-Kongreso, okazinta tiujare en Malago.

Tie ili renkontiĝis kun du pliaj valenciaj esperantistoj, do la reprezentado de nia teritorio estis almenaŭ ses homoj.

Preter la oficiala programo de la kongreso, la renkontiĝo estis bona okazo por interŝanĝi spertojn kun esperantistoj el la tuta ŝtato kaj por diskuti, kiel plifortigi la lokan movadon en nia teritorio. read more