☕ Foto de nia fama, ĵaŭda Kafo-Kunveno en la fama trinkejo Santa Catalina. Laŭta loko, vigla esperanta konversacio. “Horchata” kaj “fartons”.

La 10 ĉeestantoj inkluzivas: Pepe (Cheste), Conchita (Vigo), Rosa (Cheste), Luis (Mislata), Beatriz (Nantes, Francio), Dennis (Cullera), Ningna (Chongqing, Chinio), Max (Basel, Svisio), Elias (Valencio), Eduardo, (Valencio).

🌴 Baldaŭ ni finos la unuan, tre, tre intensan parton de Esperanto-Plaĝo de Valencio. Tamen ni daŭre kaj energie studos ĝis la unua de junio.

Eble vi demandos al vi, kion ni lernis dum tiuj lecionoj pri Esperanto, kaj kiel lerte kaj elegante la gelernantoj nun kapablas esprimi sin.

Jen filmeto de Max García, kiu klare montras la trisemajnan, grandan, egan, egegan progreson de ĉiuj Esperanto-Plaĝanoj, kaj . . . de Max.

Se vi volas, vi povos resendi tiun filmon al eksterlandaj Esperantistoj, por pruvi, ke nenie alie en la mondo oni pli bone kaj pli rapide lernas Esperanton ol en Valencio!

☕ Hodiaŭ la 8a de decembro estas festo-tago en Hispanio, do NE okazos la kutima ĵaŭdo-kunveno en Valencio.

La venonta kaj lasta ĉi-jara Kafo-Kunveno okazos en la 15a de decembro, kaj estos en la bela apudurbo de Valencio Benimaclet.

Pli da detaloj publikiĝos ĉi tie lunde. Kaj ni memoru, ke la plej grava okazaĵo estos la tagmanĝo de Zamenhofa Tago, sabate, la 17an de decembro, kun menuo de 9 aŭ 10 eŭroj.

Hodiaŭ mi tagmanĝis en la restoracio EL CAVALL BLANC en Favara, piedirante pli ol 17 kilometrojn, tien reen, de Cullera! Mi estas tre kontenta.

Kiam mi atingis la ejon, estis tamen tiom da manĝantoj, ke mi decidis atendi, kaj do promenis ĉirkaŭ la urbo, kaj revenis 40 minutojn poste.

Salato + unua plado + dua plado + deserto + unu botelo da vino kiun la kelnero malkorkis + kafo kun lakto. Plus la estro de la restoracio estas onklino de unu el niaj novaj Esperantistoj!

Mi forgesis la prezon: se vi estas Esperantisto, vi povas havi specialan prezon de nur 9 eŭroj! (Se vi ne parolas Esperanton, aŭ se vi parolas Volapükon, vi devas pagi 9 eŭrojn).