Last-marde, la 19-an de ĉi tiu monato septembro, nia babilejo Grupo Esperanto Valencia ĉe la socia reto Whatsapp ricevis ĉi-tiun malgajan ŭacapan mesaĝon senditan de Alicia, esperantistino kaj edzino de nia kunulo Aŭgusto Casquero:

Raúl estis la unua valencia E-isto kiu reagis sendante bildo-ikoneton montrantan bedaŭron, kaj poste multe da aliaj partoprenantoj je nia Ŭacapa Grupeto sendis mesaĝetojn pri tiu tute ne atendita novaĵo.

Sabate matene, la familio –edzino Alicia kaj du filoj- okazigis Diservon ĉe Tanatorio Campanar kaj poste okazis la forbruligo de nia mortinta amiko, ĉi-foje en la Krematorejo de la Tombejo de Valencia. Multaj valenciaj E-istoj ĉeestis tiujn du eventojn, honore kaj memore de nia kara kunulo kaj samideano. Rememorante, tiu Meso estis ĉeestita de multaj amikoj de Aŭgusto, inter kiuj mi povus nomi Dennis, Jaŭ, Rosa, Eduardo, Ramón Diago, Araceli, Luis, Raúl, Ana Montesinos, …, kaj multaj aliaj.

Bedaŭrinde, jam kvar bonegaj valenciaj E-istoj forpasis dum la lastaj jaroj: Rafael Peris, José Sempere, Pascual Pont kaj nun Aŭgusto Casquero. Peris ĉeestis multege da kongresoj pri Esperanto por fervojistoj, Sempere prezidentis nian Grupon dum multaj jaroj, Pont estis kutima klera preleganto en niaj kongresetoj, kaj Casquero estis senlaca organizanto de eventoj, li eĉ organizis la Universalan Kongreson de 1993 en Valencia.

Nia Grupo vizitis Aŭguston lastfoje antaŭ kelkaj jaroj, iomete antaŭe de la pandemio, kaj ni pasigis agrablan posttagmezon parolante kun li kaj Alicia. Poste, okaze de Esperanto evento en la Oficiala Lernejo pri Lingvoj, ni renkontiĝis kun Alicia kaj la fratino de Aŭgusto, babilante dum kelkaj minutoj, sed Aŭgusto jam ne fartis tro bone. Aŭgusto Casquero de la Cruz, ripozu pace

Jen kelkaj fotoj pri Aŭgusto:

Por plenumi tiun taskon, mi montros al vi, lumbildon post lumbildo, prezentaĵon kies lumbildoj provas krei en la menso de la leganto malgrandan bildon pri tiu scienca, sporta, arta ludo.

Noto (aŭgusto 2026): ĉi tiu artikolo kunigas la ses partojn de la serio, publikigitajn inter aŭgusto kaj oktobro 2023, en unu solan legaĵon.

1 · La ludo (3-a de aŭgusto 2023)

Jen la unuaj ekranaĵoj, kiuj montras la du unuajn lumbildojn:

2 · Homoj ĉe la tabulo (12-a de aŭgusto 2023)

Jen kelkaj ekranaĵoj pliaj, apartenantaj al mia vasta lumbildaro pri tiu interesega afero.

3 · Pasio pri ŝako (22-a de aŭgusto 2023)

4 · Historio de la ŝako kaj Valencio (29-a de aŭgusto 2023)

5 · Ŝercoj pri ŝako (11-a de septembro 2023)

6 · La tuta prezentaĵo (24-a de oktobro 2023)

La kompleta lumbildaro, elŝutebla en PDF:

Hieraŭ posttagmeze, la kvaran de aprilo de 2022, en la Fakultato pri Filologio kaj Tradukado de la Universitato de Valencia, kaj okaze de la Kultura Semajno, okazis du eventoj tre gravaj por nia movado:

• unue, nia prezidanto Raúl prezentis kelkajn gravajn ideojn pri nia mirinda lingvo Esperanto (pri historio de la kreado de la lingvo, pri tre baza gramatiko, pri anekdotoj, …), por ke la ĉeestantaro (ĉirkaŭ dek neesperantistoj -duon-certe studentoj de la Fakultato- kaj dek jam E-istoj), komprenu kion signifas nuntempe nia lingvo
• Poste, Dennis prezentis fulmo-kurseton por enkonduki la plej bazan gramatikon al neesperantistaj ĉeestantoj. Dum la parolado de Dennis, Niko, la ukraino kiu provizore loĝas en Bétera en la kampara domo de Ana Montesinos pro la milito de sia lando kun Ruslando, mallonge klarigis -en E-o, samtempe tradukite hispanen de Elías por ke la ĉeestantaro pli bone komprenu- la utilecon de E-o en aferoj tiel gravaj kiel nun okazas, ĉar, ekzemple, nuntempe lia familio povas resti sekura en Hispanio dank’ al E-o. Fine de la parolado de Niko okazis mallonga demando-sesio de la publiko, en kiu oni konstatis la intereson de la ĉeestantoj pri E-o. Tiun saman posttagmezon Dennis sendis retmesaĝon al la sep interesiĝantoj –ili notis siajn ret-adresojn por daŭrigi sian intereson pri la lingvo-, kaj estis decidite provizore krei specialan kotizon por ili en nia grupo, kaj instrui fulmo-kursetojn ĉiusemajne en la kafejo de la Fakultato

Krom Raúl, Dennis kaj Niko, ĉeestis ankaŭ tiujn gravajn eventojn Eduardo, Carmen, Gary kaj Elías, kiuj aperas en la fotaĵojn montritajn plej supre, meze kaj plej malsupre

Last-dimanĉe, la 27-an de marto, aro da valenciaj E-istoj renkontiĝis ĉe nia samideanino Ana Montesinos pro bonvenigo al ukrajna familio, tiu de Niko, Anna, Nazar kaj Mia. Ana Montesinos oferas sian kampar-domon en Bétera al tiu simpatia familio, tute senpage kaj sindone, kaj per tiu bonkoreco kiu elstaras el ŝi kiam oni konatiĝas kun ŝi unuafoje.
Rosa, Carmen, Luis, Dennis, Raúl kaj Elías ankaŭ ĉeestis tiun renkontiĝon, grava kunveno por nia valencia movado, ĉar la E-a etoso estis bonega, babilante per nia mirinda lingvo dum la tuta posttagmezo -oni preskaŭ neniam krokodilis-, al kio ankaŭ kontribuis la bona kono de Niko de nia lingvo, ĉar li parolas per flua kaj bela E-o.

La manĝaĵoj oferitaj de Ana Montesinos estis ege bongustaj, kaj la menuo konsistis el:
unue, aro da almanĝaĵoj (sekigitaj fruktoj, frititaj terpomoj, …)
due, tipa angla manĝaĵo –Ana loĝis en Anglio dum multe da jaroj, kie ŝi ne perdis sian hispanan akĉenton sed lernis kiel kuiri angle- konsistanta el viando kaj legomoj (bongustega …). Ĉiu kunmanĝanto povis gustumi freŝan glaseton da gazpacho
trie, deserto konsistanta el multege da fruktoj -pomoj, bananoj, fragoj, … kaj jogurto, kremo, …

kvare, ni kafumis dum unu aŭ du horetoj per varma kafo, lakto, kremo, sukero.

Dum la post-manĝado oni babilis pri ĉio kaj nenio, kiel oni kutime faras inter E-istoj, kaj ĉirkaŭ jam la oka horo oni kolektis iomete da mono por ke la familio de Niko sentiĝu pli sendependa kaj povu trankvile viziti Bétera kaj Valencia. Ni jam konas la situacion de multaj valenciaj E-istoj, kiuj perdis siajn labor-postenojn pro la pandemio, sed mi certas ke ĉiuj el ni kontribuis per tiom kiom ilia persona kondiĉo permesis.

Finfine, Ana Montesinos kaj la bela familio de Niko adiaŭis nin apud la pordo de la kampara domo, kaj ni proponis novan renkontiĝon en Valencia por kafumi kune, babili per nia mirinda lingvo, kaj ĉiĉeroni la novajn alvenantojn tra la urbo